Медыкі: няправільны загар – удар па імунітэту

© Flickr / AndreyНа пляжы
На пляжы - Sputnik Беларусь
Падпісацца
Эксперты сцвярджаюць, што ў модзе – здароўе і прыгажосць, а не сапсаваная сонечнымі прамянямі скура.

Ганна Няфёдава, Sputnik

Медыкі напярэдадні сезона летніх адпачынкаў заклікалі беларусаў памятаць, што няправільны загар не толькі сапсуе скуру, але можа прывесці да цяжкіх захворванняў.

"Тым, хто выправіцца на летні адпачынак у гарачыя краіны, варта памятаць, што паўднёвае актыўнае сонца можа стаць стрэсам для арганізма. Найбольш распаўсюджаныя наступствы няправильнага загару — гэта сонечны ўдар, апёк скуры, вострыя рэспіраторныя захворванні, сардэчны прыступ", — паведамілі Sputnik ў аўторак у медыцынскім ведамстве краіны.

Паводле слоў медыкаў, рэзкая змена клімату, празмернае знаходжанне пад пякучым паўднёвым сонцам могуць знізіць імунітэт.

Загарэлыя, але хворыя

"Таму медыкі часта сутыкаюцца з так званым пасляадпачынкавым сіндром, калі летам у чаргах да дактароў сядзяць загарэлыя, але хворыя людзі", — распавялі суразмоўцы агенцтва.

Стрэс ад паўднёвага сонца прыводзіць да зніжэння імунітэту, а адпаведна "вылазяць вонкі старыя болькі, з'яўляюцца новыя", падкрэслілі медыкі.

Яны таксама заклікалі разумна ставіцца да выкарыстання кандыцыянера ў гатэлях.

"Ні для каго не сакрэт, што часта адпачынак ператвараецца ў 2-тыднёвае лячэнне ВРІ. Чалавек некалькі гадзін знаходзіцца пад пякучым сонцам, прыходзіць у нумар з кандыцыянерам, і калі ласка — рэспіраторнае захворванне", — сказалі суразмоўцы агенцтва.

© PexelsПляж у Іспаніі
Пляж в Испании - Sputnik Беларусь
Пляж у Іспаніі

Тыпы скуры беларусаў

 

Нягледзячы на тое, што ў гэтым сезоне ў некаторых экспертаў у галіне дэрматалогіі з'явіўся новы трэнд — сцверджанне, што ад ахоўных крэмаў няма карысці на моры, беларускія медыкі працягваюць раіць браць у адпачынак ахоўныя сродкі з SPF.

Паводле іх словаў, больш за 70 адсоткаў насельніцтва Беларусі мае тып скуры, якая хутка абгарае на сонца.

У людзей ёсць 6 фотатыпаў скуры — ад скандынаўскага да афрыканскага. Беларусы ў асноўным маюць два першыя тыпу скуры. "Гэта бледная, тонкая скура, руды колер валасоў, наяўнасць рабціння, блакітныя вочы. Другі тып — светласкуры еўрапейскі, амаль без рабціння", — распавялі медыкі.

Перанасімасць ультрафіялетавага выпраменьвання ў людзей з такімі фотатыпам скуры мінімальная, праз некалькі хвілін знаходжання пад прамымі сонечнымі прамянямі скура абгарае, а раўнамернага загару не атрымаецца, папярэдзілі спецыялісты.

Пры гэтым яны дадалі, што ёсць і "трэці тып скуры, які распаўсюджаны ў Беларусі — гэта скура, схільная да добрага загару, як правіла, цёмныя валасы і карыя вочы".

© Sputnik / Марина СеребряковаПляж Цнянскага вадасховішча
Пляж Цнянского водохранилища - Sputnik Беларусь
Пляж Цнянскага вадасховішча

Анколагі б'юць трывогу

Медыкі сцвярджаюць, што захапленне салярыямі і рэгулярны загар на паўднёвых курортах маглі справакаваць рост колькасці захворванняў на рак скуры ў краіне. Паводле дадзеных анколагаў, за апошнія 10 гадоў захворванне на рак скуры ў Беларусі павялічылася больш чым у паўтара раза.

Касметолагі раяць

Дэрматолагі у сваю чаргу нагадалі, што ультрафіялетавыя прамяні прыводзяць да распаду калагена і эласціна — рэчываў, якія адказваюць за пругкасць скуры.

"У модзе — здароўе і прыгажосць, а не сапсаваная сонечнымі прамянямі скура", — адзначылі касметолагі. Яны таксама нагадалі, што рабіць пілінг за 2 —3 тыдні да паўднёвага адпачынку небяспечна.

Паводле іх словаў, знаходжанне пад сонечнымі прамянямі прыводзіць да фотастарэння. "Няправильны загар прывядзе да таго, што чалавек састарыцца значна раней, чым запраграмавана прыродай", — сказаў суразмоўца агенцтва.

Стужка навiн
0