Імёны лаўрэатаў першай прэміі Цёткі былі названыя ў Мінску вясной 2016 года. Адна з задач новай прэміі за найлепшую кнігу для дзяцей і падлеткаў — спрыяць захаванню і развіццю беларускай літаратуры, а таксама нацыянальных традыцый беларусаў, цэлага культурнага пласта, тысячагоддзямі стваранага народам, лічыць Алена Масла.
"У беларускай дзіцячай літаратуры напачатк двухтысячных назіралася зацішша, але цягам апошніх дзесяці гадоў з'яўляюцца новыя імёны, новыя кнігі і нават цэлыя арыгінальныя напрамкі (напрыклад, экалагічная казка), якіх няма нават у суседніх краінах", — сцвярджае Алена Масла ў эфіры радыё Sputnik.
