Кацярына "Вялікая" Карстэн адзначае 44-ы дзень нараджэння

© AP / Fred DufourБеларуская спартсменка Еацярына Карстэн
Беларуская спартсменка Еацярына Карстэн - Sputnik Беларусь
Падпісацца
Спартсменка ў жніўні выправіцца ў Рыа-дэ-Жанэйра на сёмую ў сваёй кар'еры Алімпіяду, двухразовая чэмпіёнка Гульняў традыцыйна лічыцца адной з фаварытак галоўных стартаў чатырохгоддзя.

МІНСК, 2 чэр — Sputnik. Легендарная беларуская спартсменка Кацярына Карстэн святкуе сёння свой дзень нараджэння.

Карстэн (дзявочае прозвішча Хадатовіч) нарадзілася 1972 годзе ў вёсцы Осечына (Крупскі раён Мінскай вобласці). Першы спартыўны поспех да яе прыйшоў у 1990 годзе, калі яна стала чэмпіёнкай свету па веславанні сярод юніёрак. Праз шэсць гадоў Карстэн выйграла "золата" Алімпіяды ў "адзіночцы".

За фенаменальную выніковасць на алімпійскіх стартах Карстэн празвалі Кацярынай "Вялікай". На яе рахунку пяць алімпійскіх медалёў, прывезеных з шасці Алімпіяд. Карстэн стала першай двухразовай чэмпіёнкай у гісторыі суверэннай Беларусі: на вышэйшую прыступку п'едэстала яна падымалася ў 1996 годзе ў Атланце і ў 2000 у Сіднэі. А першы алімпійскі медаль — хоць і бронзавы — яна прывезла з Барселоны ў 1992 годзе. Так што цяперашнія гульні стануць для Карстэн ужо сёмымі.

Цікава, што ў "залатую" адзіночку Кацярына села не адразу, першая спроба скончылася няўдачай, яна перавярнулася ў лодцы. Спартсменку пасадзілі ў "васьмёрку" набірацца вопыту. Дарэчы, першую алімпійскую "бронзу" яна ўзяла ў складзе "чацвёркі". На апошняй Алімпіядзе ў Лондане Карстэн засталася без медалёў, заняла пятае месца, хоць і была ў ліку фаварытаў. Прычына няўдалага выступу стала вядомай пазней — спартсменка выступала са зламаным рабром.

У канцы 90-х Кацярына выйшла замуж за нямецкага бізнэсмэна і пераехала жыць у Германію.

На нядаўняй алімпійскай кваліфікацыйнай рэгаце ў Люцэрне Каця заваявала права выступіць на Гульнях у Рыа.

Sputnik віншуе з днём нараджэння Кацярыну і жадае ёй моцнага здароўя і новых перамог!

Стужка навiн
0