Праграма ўключала ў сябе вальсы, полькі і мазуркі, а таксама кантрдансы (напрыклад, "Hunt the squirrel", "Gilderoy" і іншыя), кадрылі ("Ланс", "Кадрылю дам") і гульнявыя катыльёны.
Гасцей балю чакала поўнае пагружэнне ў эпоху: у перапынках паміж танцамі дамы і кавалеры шпацыравалі па зале, вялі свецкія гутаркі, частаваліся каля сталоў з лёгкімі закускамі.
Пасля мерапрыемства госці не стамляліся дзяліцца ўражаннямі. "Баль быў вельмі ўтульным, хатнім, але пры гэтым у дастатковай меры урачыстым", — так ахарактарызавала мерапрыемства Sputnik адна з дам.
Варта адзначыць, што строгі дрэскод мерапрыемства выконваўся гасцямі няўхільна, а дамы, сапраўды, радавалі вока разнастайнасцю і летняй стракатасцю ўбораў.
Прыняць удзел у такіх балях могуць наведвальнiкi студый гістарычнага танца. Там спасцігаюць сакрэты не толькі танцавальных прамудрасцяў, але таксама этыкету і гісторыі касцюма.
