МІНСК, 6 чэр — Sputnik. Больш цёплае летняе надвор'е вернецца ў Беларусь бліжэй да сярэдзіны чэрвеня, паведаміў Sputnik начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыёактыўнага забруджвання і маніторынгу навакольнага асяроддзя Дзмітрый Рабаў.
Раней сіноптыкі прагназавалі, што пачатак тыдня ў рэспубліцы будзе характарызавацца паніжэннем тэмпературы, выкліканым паўночнымі вятрамі.
"Нас чакае няўстойлівае, прахалоднае з паўночнымі вятрамі надвор'е. Сярэднясутачная тэмпература на два-чатыры градусы будзе адхіляцца ад нормы. Больш цёплае, летняе надвор'е вернецца бліжэй да сярэдзіны чэрвеня", — распавёў Рабаў.
Паводле слоў спецыяліста, у першай палове тыдня ўмовы надвор'я на тэрыторыі Беларусі ў асноўным будзе вызначаць вобласць павышанага атмасфернага ціску, сфарміраваная ў халоднай паветранай масе.
"У аўторак пераважна без ападкаў. Тэмпература паветра ўначы + 1… 7 °С, у асобных раёнах замаразкі 0… — 2 °С; тэмпература днём + 14… 20 °С", — удакладніў суразмоўца агенцтва.
Крыху пацяплее ў сераду, 8 чэрвеня: паветра ноччу прагрэецца да 9 °С, днём + 17… 23 °С, па паўднёвым захадзе краіны чакаецца да +25 °С. "Месцамі, пераважна па паўночнай палове рэспублікі, кароткачасовыя дажджы, днём магчымыя навальніцы", — прадоўжыў Рабаў.
"У чацвер праз тэрыторыю краіны будзе перамяшчацца з Балтыйскага мора атмасферны фронт і прынясе на большую частку кароткачасовыя дажджы, месцамі навальніцы. Тэмпература паветра ноччу + 6… 13 °С, днём + 13… 20 °С, па паўднёвым усходзе да +23 °С", — адзначыў сіноптык.
Паводле прагнозу сіноптыка, не варта чакаць істотнай змены надвор'я і ў канцы тыдня. Так, у пятніцу — месцамі кароткачасовыя дажджы, днём магчымы навальніцы. "Тэмпература паветра ўначы + 4… 9 °С, па паўднёвым усходзе да +12 °С, днём + 14… 21 °С", — сказаў Рабаў.
Няўстойлівае надвор'е захаваецца ў суботу і нядзелю. Уначы 11 чэрвеня месцамі пройдуць кароткачасовыя дажджы, днём — на большай частцы тэрыторыі. "Удзень у асобных раёнах навальніцы. Тэмпература паветра ноччу + 5… 12 °С, днём + 12… 19 °С", — прадоўжыў Рабаў.
Аналагічнае "свежае" надвор'е будзе 12 чэрвеня. "Тэмпература паветра ўначы + 4… 9 °С, днём + 14… 20 °С", — праінфармаваў ён.
Разам з тым, спецыяліст запэўніў, што такога надвор'я, якое адзначаецца ў краінах Еўропы, беларусам баяцца не варта. "Мы знаходзімся пад аховай блакавальных антыцыклонаў, якія не пускаюць у нашу краіну непагодлівыя цыклоны", — сказаў Рабаў.
