Будзь чалавекам: мінчане спрабуюць "акультурыць" уладальнікаў сабак

© Flickr / eva101Шыльда ў парку
Шыльда ў парку - Sputnik Беларусь
Жыхары Мінска збіраюць подпісы, патрабуючы дазволіць выгул сабак у парках і забяспечыць апошнія адпаведнай інфраструктурай.

МІНСК, 12 чэр — Sputnik. Жыхары Мінска, якія трымаюць сабак, і гараджане, якія сабак не маюць, прыйшлі да кампрамісу: ідзе збор подпісаў пад петыцыяй, якая ўтрымлівае патрабаванні дазволіць выгул сабак у парках, а наўзаем актывісты абавязваюцца ўсталяваць там смеццевыя кантэйнеры для "прадуктаў выгулу" жывёл.

Сабраныя подпісы актывісты накіруюць у Мінскі гарадскі выканаўчы камітэт.

На сёння ў Беларусі зарэгістравана як мінімум 63 тысячы сабак, а колькасць месцаў, дзе іх можна выгульваць, абмежавана. Так, у парках зараз гуляць з сабакам забаронена заканадаўча — пастановай Савета Міністраў Беларусі ад 4 чэрвеня 2001 года № 834.

"Ці працуе гэтая норма? Дастаткова прыйсці ў любы парк, каб знайсці адказ: не. Затое дадзеная пастанова дазваляе не арганізоўваць у парках неабходную для выгулу інфраструктуру: спецыяльныя скрыні, пакеты для ўборкі за сабакамі і асобныя пляцоўкі, сабак выгульваюць дзе давядзецца. "Прадукты выгулу" аказваюцца пад нагамі — ўсе незадаволеныя", — растлумачыў Sputnik адзін з ініцыятараў "сабачых прыбіральняў", сабакагадовец з пяцігадовым стажам, адзін з аўтараў праекта OkiDog Ігар Панікарчык.

Пры гэтым, адзначыў ён, асноўны аргумент Мінгарвыканкама на карысць забароны як раз у тым, што "сабакі гадзяць".

Каб вырашыць гэтую праблему і павысіць культуру выгулу сабак, быў прыдуманы сумесны праект OkiDog і Новай Баравой. Сутнасць яго заключаецца ў тым, каб усталяваць у месцах выгулу сабак шыльды з інструкцыямі, якія заклікаюць уладальнікаў сабак прыбіраць за сваімі жывёламі, а побач з шыльдамі — сметніцы для уборкі за гадаванцамі. Грошы на выраб шыльдаў ужо сабраныя на краудфандынгавай платформе Ulej. У самым раёне-iніцыятары ўжо пачалі выраб спецыяльных сметнікаў, на працягу 60 дзён гаспадары сабак з гэтага раёна паспрабуюць прыбіраць за сваімі чатырохногімі гадаванцамі "як у Еўропе". У далейшым плануецца ўсталяваць сметніцы і шыльды ў парках горада.

Стужка навiн
0
Спачатку новыяСпачатку старыя
loader
У эфіры
Заголовок открываемого материала