МІНСК, 12 чэр — Sputnik. Доступ у навучальныя карпусы ўніверсітэтаў і іншых устаноў, якія ажыццяўляюць правядзенне цэнтралiзаванага тэсцiравання, будзе абмежаваны ў дні выпрабаванняў да 14:00—15:00.
Цэнтралізаванае тэставанне стартуе ў рэспубліцы 13 чэрвеня з выпрабаванняў па беларускай мове. Апошнія тэсты здадуць 27 чэрвеня па сусветнай гісторыі і геаграфіі, а на 5 ліпеня прызначаны рэзервовы дзень.
Увайсці ў будынкi, дзе здаецца цэнтралізаванае тэставанне, можна будзе пасля завяршэння збору экзаменацыйных матэрыялаў. Паводле інфармацыі прэс-службы Белдзяржуніверсітэта, да гэтага часу ў будынкі змогуць увайсці толькі ўладальнікі пропускаў аргкамітэту і абітурыенты з адпаведнымі пасведчаннямі.
Час аднаўлення допуску ў будынкі — 14:00—15:00, аднак ён арыенціровачны і залежыць ад працэсу збору экзаменацыйных матэрыялаў.
Графік Цэнтралізаванага тэставання
- 13 чэрвеня Беларуская мова
- 14 чэрвеня Руская мова
- 16 чэрвеня Грамадазнаўства
- 18 чэрвеня Біялогія
- 19 чэрвеня Матэматыка
- 21 чэрвеня Гісторыя Беларусі
- 23 чэрвеня Хімія
- 24 чэрвеня Фізіка
- 25 чэрвеня Замежная мова
- 27 чэрвеня Сусветная гісторыя і Геаграфія
Усяго па рэспубліцы будзе працаваць 41 пункт тэставання. Вынікі звычайна становяцца вядомымі праз 10-15 дзён пасля здачы выпрабаванняў.
