https://bel.sputnik.by/20160618/1023389003.html

"Закусачку паелі, па дарозе запелі" – традыцыі Зялёных святак

"Закусачку паелі, па дарозе запелі" – традыцыі Зялёных святак

Sputnik Беларусь

Пачатак лета ў мяне заўсёды выклікае лёгкае хваляванне. Моцна ў лес цягне, у жыце схавацца хочацца... Мой стан лёгка зразумець, калі памятаеш: хутка Сёмуха і... 18.06.2016, Sputnik Беларусь

2016-06-18T10:30+0300

2016-06-18T10:30+0300

2022-04-14T15:48+0300

спадчына

беларусь

ларыса мятлеўская

нацыянальныя традыцыі

самая чароўная пара ў годзе - купалле

беларуская кухня

https://cdnn11.img.sputnik.by/img/101604/14/1016041468_0:125:2500:1538_1920x0_80_0_0_aab8c124848f8314236d4099005e3745.jpg

Ларыса Мятлеўская, SputnikЧары ў тым, што ў лясных нетрах схавалася папараць-кветка ў чаканні купальскай ночы, набіраецца сілы гаючае зелле і, хто ведае, магчыма рыбакам часам чуецца рогат русалак у зарасніках чароту.  Старажытнае каляндарнае свята Сёмуха святкуецца праз сем тыдняў пасля Вялікадня. Менавіта адсюль яго назва. Увогуле ў славянскіх народаў гэта свята мае розныя найменні: Зялёныя святкі, Май, Тройца (бо супадае з праваслаўным царкоўным святам, якое гэты год прыпадае на 19 чэрвеня), Русаллі, Зелянец, Гранная нядзеля, Дух.Асноўны сэнс гэтага свята — ушанаванне расліннасці, зеляніны, кветак, дрэў. Калі надыходзіў час свята, бабуля казала: "Трэба "маю" наламаць" і ішла па галінкі клёну, які рос у двары. Іх затыкалі за абразы ў хаце, за партрэты памерлых продкаў, каля парогу, пад страху ў хлеве і абавязкова каля варот. Падлогу ў хаце засцілалі аерам, які меў прыемны пах і абараняў ад пяшчаных блох.Завіваем вянкі на шчасцеАсабліва ў пашане была бяроза. У другой палове дня дзяўчаты ішлі ў лес "завіваць бярозку". Па дарозе вадзілі карагоды і спявалі.  Месца для завівання выбіралі каля жыта, каб абрадавымі дзеяннямі зберагчы яго ад шкоднага ўздзеяння русалак. Знайшоўшы групу бярозак, спляталі голле дзвюх з іх, якія стаялі побач. Атрымлівалася нібыта брама, якую абавязкова ўпрыгожвалі стужкамі. Праз яе дзяўчаты праходзілі парамі, куміліся, абменьваючыся  хусткамі і стужкамі. Яшчэ вілі вянкі з кветак, вешалі на бярозу і прасілі ў Бога шчаслівай долі, кахання, замужжа.На дзявічнік хлопцы не дапускаюцца! Гэта быў сапраўдны дзявічнік. Хлопцы, мужыкі і дзеці на яго не дапушчаліся. Выпраўляючыся ўпотай у лес, дзяўчаты бралі з сабой старэнькую бабулю, якая павінна была лупцаваць усіх крапівой, адганяючы такім чынам злых духаў.Развіванне вянкоўПраз тыдзень зноў збіраліся і ішлі на тое самае месца да бярозак — вянкі развіваць.  У Хоцімскім раёне Магілёўскай вобласці існавала прыкмета, што калі не развіць вянка, то будзе ўвесь год моцна балець галава. Далей дзяўчаты частаваліся прынесенымі стравамі і адыходзілі,  спяваючы:А мы вяночкі развілі і гарелачку папілі, І закусачку паелі, пайшлі дворачку — запелі.Святочны вянок А вось чым частаваліся дзяўчаты пад бярозкамі, мы з вамі зараз і даведаемся.Закусачка была такой: яйкі, сала, кілбасы, салодкая гарэлка, прыгатаваная яечня, бліны.Яечня вясковая8 яек, 0,5 шклянкі малака, 80 г сала, 1 цыбуліна, соль.Сала нарэзаць маленькімі кубікамі, падскварыць разам з нашаткаванай цыбуляй. Яйкі ўзбіць з малаком, пасаліць і заліць гэтым сала з цыбуляй. Пасыпаць зверху зялёным кропам. Запячы ў духоўцы або печы.Яечня кухарчына6-8 яек, шчопаць кропу альбо пятрушкі, соль, 1 ст. лыжка масла, 0,5 ст. лыжкі мукі, 1 ст лыжка цукру, 1,5 шклянкі смятаны, 3 жаўткі, карыца.Прыхапіўшы такую закуску, дадаўшы да яе таго-сяго і ўзяўшы чарачку салодкай гарэлкі, можна добра адпачыць з сяброўкамі пад бярозкамі!Бліны на закуску   Салодкая гарэлка паненская (дзялюся фамільным сакрэтам упершыню!)Узяць 0,5 літра моцнай гарэлкі, усыпаць туды стограмовую чарку насення кропу і паставіць на некалькі тыдняў у цёмнае месца пры пакаёвай тэмпературы. Як добра настаіцца, працадзіць, дадаць па смаку мёд, разведзены ў 150 г гатаванай вады.

беларусь

2016

Навіны

ru_BY

спадчына, беларусь, ларыса мятлеўская, нацыянальныя традыцыі, самая чароўная пара ў годзе - купалле, беларуская кухня