МІНСК, 20 чэр — Sputnik. Замежныя ўдзельнікі Мінскага паўмарафона-2016 змогуць атрымаць бясплатную беларускую візу, паведамілі Sputnik у Беларускай федэрацыі лёгкай атлетыкі.
У аўторак на сайце www.minskhalfmarathon.by стартавала афіцыйная рэгістрацыя на Мінскі паўмарафон, які пройдзе ў пачатку верасня.
"Усе замежныя ўдзельнікі атрымаюць бясплатную беларускую візу. Як і ў мінулым годзе, усім жадаючым будзе прадастаўлена магчымасць прабегчы паўмарафонскую дыстанцыю (21,097 кіламетра), а таксама 10 ці 5 кіламетраў", — распавялі ў БФЛА.
Паводле слоў суразмоўцаў агенцтва, забег пройдзе па цэнтральных вуліцах беларускай сталіцы. "На працягу ўсіх дыстанцый і маршрутаў для бегуноў будуць арганізаваны культурна-забаўляльныя кропкі, а таксама пункты піцця і харчавання", — удакладнілі ў лёгкаатлетычнай федэрацыі.
Мінскі паўмарафон уганараваны максімальнымі пяццю зоркамі сістэмы ацэнкі якасці забегаў Еўрапейскай лёгкаатлетычнай асацыяцыі Quality Road Race. Таксама паўмарафон прэтэндуе на атрыманне бронзавага статусу сусветнага рэйтынгу марафонаў і паўмарафонаў, што дазволіць у далейшым прэтэндаваць і на залаты ўзровень. У мінулым годзе ў забегу ўзялі ўдзел 16 тысяч чалавек з 36 краін свету, перамогу тады святкавалі украінец Аляксандр Шафар і беларуска Вольга Мазуронак.
"Ці атрымаецца ў нашай Вольгi другі раз зарабиць перамогу на Мінскім паўмарафоне? Будзем сачыць разам, бо плануецца, што Вольга стане тварам Мінскага паўмарафону", — адзначылі ў БФЛА.
