"Шукаем касцюмы на барахолках”: як рэканструююць эпоху вайны

© Sputnik / Роман ШантарРэканструктар з Санкт-Пецярбурга Раман Панаў
Рэканструктар з Санкт-Пецярбурга Раман Панаў - Sputnik Беларусь
Падпісацца
У Брэсце рэканструююць пачатак Вялікай Айчыннай вайны. Удзельнік інсцэніроўкі бітвы распавёў агенцтву аб палявых буднях рэканструктараў.

МІНСК, 21 чэр — Sputnik. Раман Паноў прыехаў у Брэст з Санкт-Пецярбурга разам з клубам гістарычнай рэканструкцыі. На ім форма савецкага салдата, з навадзелу — толькі фуражка. Усё астатняе куплена на барахолках, праўда, належыць да пасляваеннага часу — 50-м гадам.

Раман у аўтэнтычнай форме размясціўся на сучаснай брэсцкай лавачцы — толькі што скончыўся парад, прысвечаны рэканструкцыі апошняга мірнага дня ў горадзе. Але дзеля інтэрв'ю падымаецца і дэманструе афіцэрскую выправу.

"Выступаю разам з ваенна-гістарычным клубам. Многія, хто спрабуе сябе ў гістарычнай рэканструкцыі, пачынаюць з гэтай эпохі. У некаторых сем'ях яшчэ жывыя ўдзельнікі падзей вайны, гэтая эпоха блізкая да нас. Многія ідуць у рэканструкцыю, каб па-свойму асэнсаваць падзеі і праз сябе прапусціць сухія гістарычныя факты", — распавёў удзельнік рэканструкцыі.

© Sputnik / Роман ШантарУдзельнікі клуба гістарычнай рэканструкцыі адпачываюць пасля парада
Участники клуба исторической реконструкции отдыхают после парада - Sputnik Беларусь
Удзельнікі клуба гістарычнай рэканструкцыі адпачываюць пасля парада

Ён запэўнівае — гаворка не толькі аб знешнім падабенстве, задача — ужыцца ў падзеі, якія інсцэніруюцца. У жыцці — ён музейны супрацоўнік, але на працягу чатырох дзён разам з іншымі ўдзельнікамі рэканструкцыі падзей у Крэпасці пажыў у палявых умовах.

"Гэта поўнае пагружэнне з пункту гледжання побыту, чатыры дні мы жывем у вайсковых намётах, спім пад шынялямі і ямо з салдацкіх кацялкоў, нават паўдня праводзім на палявых вучэннях", — распавёў рэканструктар.

На ім пасляваенная форма, ад рамяня да гадзінніка і гімнасцёркі. Большасць такіх рэчаў захопленыя рэканструктары купляюць на барахолках. Самая рэдкая рэч у калекцыі з салдацкага побыту Рамана — сапраўдная запальнічка "Чырванасцяжны балтыйскі флот".

"Гэта армейскі самароб, выкананы пасля Фінскай кампаніі адным з маракоў. У кожнага клуба свае стандарты, чалавек, які хоча ўступіць у яго, павінен прытрымлівацца гэтых стандартаў, так што пэўныя аўтэнтычныя рэчы трэба мець", — распавёў Паноў.

© Sputnik / Роман ШантарЖонка рэкаснструктара Ірына распавядае, што захапленне мужа б"е па сямейным бюджэце, але яна не пярэчыць
Супруга реконструктора Ирина говорит, что увлечение мужа бьет по семейному бюджету, но она не против - Sputnik Беларусь
Жонка рэкаснструктара Ірына распавядае, што захапленне мужа б"е па сямейным бюджэце, але яна не пярэчыць

Камплект кадравага чырвонаармейца без зброі абыдзецца прыкладна ў тысячу долараў. Такія траты нямала б'юць па кішэні, але рэканструктары не скардзяцца. Не скардзяцца нават іх жонкі. Так, Ірына, жонка аднаго з удзельнікаў рэканструкцыі, стаіць у натоўпе і стойка прымае ўсе ўдары лёсу па кішэні.

"Для рэканструктараў гэта асобнае жыццё — паездкі, розныя гарады. Гэтае мерапрыемства адно з самых галоўных. Ёсць тыя, хто жыве рэканструкцыяй, у іх дамах усе абстаўлены аўтэнтычнымі прадметамі побыту. Каб быць рэканструктарам, трэба ведаць гісторыю. Мы плануем гэта як сур'ёзны пункт выдаткаў: зброя, кубкі — усё ідзе ў справу. Калі знойдзеш нешта ў бабуль і дзядуляў, таксама знаходзіш прымяненне", — распавяла Ірына.

У некаторых краінах рэканструктарам дапамагаюць — так, у Таліне некаторыя касцюмы прадаставіла мясцовая кінастудыя. Але ў асноўным усё затраты кладуцца на плечы удзельнікаў — а яны досыць захапленныя, каб вытрымаць і гэтую ношу.

Стужка навiн
0