МІНСК, 24 чэр — Sputnik. Вынікі цэнтралізаванага тэставання па рускай і беларускай мовах пачалі прыходзіць, паведамілі Sputnik абітурыенты.
Цэнтралізаванае тэставанне па беларускай мове праходзіла 13 чэрвеня, па рускай — 14. Вынікі на сайце РІКВ будуць вядомыя ў суботу, а да абітурыентаў першыя прыйшлі раніцай у пятніцу.
Як паведамілі Sputnik тыя, хто здаваў цэнтралізаванае тэставанне, вынікі пачалі прыходзіць па абодвух мовах. Хутка павінны з'явіцца вынікі ЦТ па грамадазнаўстве.
Самі ЦТ яшчэ не завершаны: у суботу абітурыенты пройдуць выпрабаванні па замежных мовах, а 27 чэрвеня — па сусветнай гісторыі і геаграфіі. Іх вынікі з'явяцца ў першыя дні чэрвеня.
Здача цэнтралізаванага тэставання неабходная для паступлення ў вышэйшыя навучальныя ўстановы. Ад выпрабаванняў вызваленыя толькі прызёры рэспубліканскай алімпіяды.
