МІНСК, 28 чэр — Sputnik. Базавая велічыня ў Беларусі з 1 ліпеня складзе 21 рубель, такое рашэнне прынята Саветам міністраў краіны, паведамілі Sputnik у прэс-службе беларускага ўрада.
Дэнамінацыя ў Беларусі адбудзецца 1 ліпеня 2016 года ў маштабе 10 000:1, у выніку чаго ў краіне будуць уведзены ў абарот новыя банкноты і, упершыню ў гісторыі суверэннай рэспублікі, манеты розных наміналаў.
У сувязі з дэнамінацыяй згодна яе маштаба, дэнамінуюцца ўсе віды грашовых даходаў грамадзян, уклады, крэдыты, пенсіі і дапамогі, а таксама кошт акцый і актываў прадпрыемстваў і арганізацый, іх іншыя абавязацельствы.
"Згодна з пастановай Саўміна № 496, з 1 ліпеня памер базавай велічыні складзе 21 рубель. Базавая велічыня ўстаноўлена з улікам дэнамінацыі, у новых грашовых адзінках", — растлумачылі ў прэс-службе Саўміна.
Зараз базавая велічыня складае 210 тысяч беларускіх рублёў — у грашовых адзінках 2000 года.
