Жыццё беларусаў пакажуць на спецыяльнай выставе ў Таліне

© Sputnik / Иван Руднев / Перайсці ў медыябанкУдзельнікі парада ў Мінску
Удзельнікі парада ў Мінску - Sputnik Беларусь
Падпісацца на
НовостиTelegram
Пасля Эстоніі выстава адправіцца ў іншыя краіны Еўропы, а затым у Азію – графік экспанавання распісаны да канца 2016 года.

МІНСК, 29 чэр — Sputnik. Двухтыднёвая выстава "Беларусь і беларусы", падрыхтаваная Нацыянальным гістарычным музеем Беларусі, адкрыецца ў Таліне 1 ліпеня, паведаміў Sputnik Эстонія.

Гэта першы перасоўны праект, які распавядае аб асноўных этапах гістарычнага развіцця Беларусі і прадстаўляе беларускую нацыю як неад'емную частку сусветнай супольнасці.

Выстава складаецца са стэндаў, на якіх размешчаны тэматычныя малюнкі, фатаграфіі прадметаў, дакументаў, невялікія тлумачальныя тэксты на беларускай і англійскай мовах. Акрамя таго, стэнды маюць мультымедыйныя панэлі.

Матэрыялы выставы ўяўляюць кароткі агляд, які закранае асноўныя этапы станаўлення беларускай нацыі (старажытнасць, першыя дзяржаўныя ўтварэнні, Вялікае Княства Літоўскае, Рэч Паспалітая, Расійская імперыя, Савецкая Беларусь, цяперашні).

Да экспанавання ў Таліне выстава ўжо была прадстаўлена ў сталіцах Венгрыі, Расіі і Літвы. Як паведамілі ў Нацыянальным гістарычным музеі, яе экспазіцыйны графік распісаны на ўвесь 2016 год — аб жыцці Беларусі раскажуць у краінах Еўропы і Азіі.

Стужка навiн
0