МІНСК, 30 чэр — Sputnik. Цяперашняя сітуацыя характарызуецца як наладжванне добрых стасункаў паміж Беларуссю і Еўрасаюзам, заявіў прэзідэнт Беларусі Аляксандр Лукашэнка, сустракаючыся ў чацвер у Мінску з міністрам замежных справаў Чэшскай рэспублікі Любамірам Зааралекам.
"Я рады, што мы знайшлі ў сабе сілы пераламаць сітуацыю, і цяперашняя сітуацыя характарызуецца як наладжванне добрых стасункаў паміж еўрапейскімі дзяржавамі, Беларусі і Чэхіі перш за ўсё", — сказаў Лукашэнка.
Ён нагадаў, што раней паміж Беларуссю і Чэхіяй было шмат агульнага. "Не скажу, што ўсё было бясхмарна, але больш у нашых узаемадачыненнях было добрага, чым дрэннага, хаця азмрачальных фактараў было дастаткова", — сказаў Лукашэнка. Ён адзначыў, што бакі зрабілі з гэтай сітуацыі адпаведныя высновы.
У сваю чаргу, кіраўнік МЗС Чэхіі падкрэсліў, што "надышоў час пачаць новы раздзел ва ўзаемадачыненнях Чэхіі і Беларусі".
