МІНСК, 4 ліп — Sputnik. Польскія ўлады абвясцілі аб увядзенні часовага кантролю на межах з краінамі ЕС, у прыватнасці з Чэхіяй, Германіяй, Славакіяй, Літвой, а таксама ў партах і аэрапортах, паведамляе РІА Навіны са спасылкай на газету Rzeczpospolita.
Падобныя меры бяспекі выкліканыя правядзеннем у краіне 8-9 ліпеня саміту НАТА, а ў канцы месяца Сусветных дзён моладзі. Паведамляецца, што кантроль будзе ажыццяўляцца выбарачна — у дачыненні да выбраных асоб, на падставе аналізу інфармацыі, прадстаўленай іншымі краінамі.
Для таго, каб трапіць на тэрыторыю Польшчы, неабходна будзе прайсці так званы "мабільны прымежны кантроль" — ён будзе працаваць у 285 пунктах на мяжы з краінамі Шэнгенскай зоны. У гэтых месцах памежнікі будуць карыстацца спецыяльным транспартам, абсталяваным доступам да баз дадзеных і прыстасаваннямі для верыфікацыі аўтэнтычнасці дакументаў.
Часовы кантроль на мяжы працягнецца да 2 жніўня.
Таксама кантроль будзе ўзмоцнены на межах Польшчы з РФ, Украінай і Беларуссю. Акрамя гэтага, Польшча прыпыняе прыгранічнае перамяшчэнне з Калінінградскай вобласцю РФ.
