МІНСК, 7 ліп — Sputnik. Сур'ёзныя апёкі атрымаў у Смалявіцкім раёне 35-гадовы мужчына, які скакаў праз вогнішча ў Купальскую ноч, паведамілі ў прэс-службе МНС.
Паведамленне пра тое, што мужчына атрымаў тэрмічныя апёкі полымем у вёсцы Пятровічы ля мясцовага вадасховішча, паступіла выратавальнікам Смалявіцкага раёна 6 ліпеня а 22:53. Да месца здарэння выехалі брыгады МНС і хуткай дапамогі.
"Па папярэдніх дадзеных было ўстаноўлена, што 35-гадовы жыхар вёскі Зарэчча пераскокваў праз вогнішча і зваліўся ў яго", — паведамілі ў прэс-службе МНС.
У пацярпелага пашкоджаны агнём рукі, ногі і ўчасткі грудзей — усяго каля 80% цела. Мужчына быў змешчаны ў рэанімацыю брыгадай хуткай медыцынскай дапамогі, якая прыбыла на месца здарэння.
