МІНСК, 8 ліп — Sputnik. Самыя папулярныя славутасці Беларусі паводле версіі турыстаў — карыстальнікаў сайта TripAdvisor — размешчаны ў сталіцы рэспублікі.
Сайт быў заснаваны ў 2000 годзе і сёння з'яўляецца адным з самых наведвальных турыстычных рэсурсаў: яго месячная аўдыторыя складае амаль 145 мільёнаў чалавек.
Пра падарожжы па Беларусі на сайце пакінута амаль 40 тысяч водгукаў, самы папулярны напрамак у рэспубліцы — Мінск. У спіс самых згадваных славутасцяў патрапілі:
Касцёл Святых Сымона і Алены
Храму ў гэтым годзе спаўняецца 106 гадоў, а ў народзе ён больш вядомы як Чырвоны касцёл. Касцёл сабраў больш за 500 водгукаў, а сярэдняя яго ацэнка падарожнікамі блізкая да максімальнай.
Мінск-Арэна
Адкрытая спартыўная арэна ўсяго сем гадоў таму, але ў спісе самых наведвальных аб'ектаў яна ўжо ёсць. Змяшчае яна 15 тысяч чалавек, тут праходзілі матчы ЧС па хакеі (326 водгукаў).
Плошча Перамогі
Архітэктурны комплекс у цэнтры Мінска таксама мае высокі рэйтынг (371 водгук).
Востраў Мужнасці і Смутку
Яго таксама называюць Востравам слёз, манумент узводзілі ў гонар воінаў-інтэрнацыяналістаў на выспе ля Траецкага прадмесця побач з Нямігай (386 водгукаў).
Плошча Незалежнасці
Асабліва турыстаў ўражвае крокавая даступнасць ад вакзалу і Дом Урада (233 водгукі).
Нацыянальная бібліятэка
Гэты лідэр па колькасці водгукаў (820) у рэйтынг лепшых збудаванняў не трапіў: ацэнкі яго горшыя, чым у вышэйназваных аб'ектаў Мінска.
Якія месцы варта наведаць у Беларусі і чаму — чытайце ў лангрыдзе Sputnik.
