МІНСК, 8 ліп — Sputnik. Жараб'ёўка выступленняў ўдзельнікаў нацыянальнага адбору на дзіцячы конкурс "Еўрабачанне-2016" адбылася ў пятніцу.
Да ўдзелу ў фінале нацыянальнага адбору прафесійнае журы дапусціла 10 выканаўцаў і калектываў. Конкурс на трапленне ў фінал складаў пяць чалавек на месца, бо было пададзена каля 50 заявак.
Жараб'ёўка ў пятніцу вызначыла парадак выступлення арыстаў у паўфінале.
1. Магільная Марыя (Магілёў);
2. Шоу-група "So-Ni-Ka" (Віцебск);
3. Цітова Алена (Магілёў);
4. Мажылоўскі Юлія (Мінск);
5. Сакалова Стэфанія (Мінск);
6. Група "Нясумны ўзрост" (Мінск);
7. Жыліна Марыя (Мінск);
8. Купрыяновіч Зінаіда (Мінск);
9. Канавалава Вольга (Магілёў);
10. Мінёнак Аляксандр (Мінск).
Акрамя таго, выканаўцам патлумачылі правілы падрыхтоўкі да конкурсу.
"Вы не можаце выкарыстоўваць нідзе брэнд Еўрабачання ці нашых тэлеканалаў без дазволу тэлеканала", — папярэдзілі юных артыстаў.
Удзельнікам распавялі пра здымкі візітак для конкурсу і папрасілі ўлічваць тэхнічныя патрабаванні сцэны студыі.
Як стала вядома ў пятніцу, фінал нацыянальнага адбору адбудзецца 26 жніўня. Сам конкурс дзіцячае Еўрабачанне пройдзе на Мальце ў лістападзе. Усе выдаткі, звязаныя з падрыхтоўкай беларускага прадстаўніка, бярэ на сябе Белтэлерадыёкампанія.
