Беларускія дызайнеры на сваіх паказах дэманструюць добрыя рэчы, актуальныя, сучасныя і стыльныя, але іх не выпускаюць у вытворчасць, заявіла дызайнер, кіраўнік "Млына моды" Святлана Гнядзёнак, адказваючы на пытанне радыё Sputnik Беларусь пра тое, чаму ў нашых крамах так мала моднай вопраткі.
"Маркетолагі чамусьці ўпэўненыя ў тым, што добра будзе прадавацца тое, што прадавалася ў мінулым годзе. Гэта наша вялікая праблема — мы баімся зрабіць крок наперад і прапанаваць людзям сучасную рэч, якая прадаецца на Захадзе ці ў Расіі. Усё, што не атрымалася прадаць, "заляжалася" — яно вісіць у нас у ГУМе і ў ЦУМе", — сказала дызайнер.
У інтэрв'ю радыё Sputnik Беларусь Святлана Гнядзёнак распавяла, што ёй не спадабалася ў новай форме нашай алімпійскай зборнай, пры якіх умовах беларусы пачнуць апранацца ў сваё і што модна насіць гэтым летам.
