МІНСК, 11 ліп — Sputnik. Беларусь стварае новую сістэму ўзаемадзеяння з Францыяй, заявіў у панядзелак журналістам пасол рэспублікі Павел Латушка.
Семінар для кіраўнікоў дыпламатычных місій праходзіць у Мінску, спецыяльна для ўдзелу ў ім у Беларусь прыехалі супрацоўнікі прадстаўніцтваў рэспублікі за мяжой. Паслы і дыпламаты абмяркуюць развіццё знешняй палітыкі, а асабліва — знешняга гандлю.
"Ужо створаны дзве рабочыя групы па ўзаемадзеянню з Францыяй — па турызме і ахове навакольнага асяроддзя. Мы ствараем сістэму ўзаемадзеяння. Спадзяюся, што ў перспектыве будзем пашыраць тэмы супрацоўніцтва", — распавёў Латушка.
Дыпламат падкрэсліў, што сёння "фактычна размарожаныя" адносіны паміж Мінскам і французскім Ліёнам.
"Плануем правесці форум рэгіёнаў у Мінску ў бягучым годзе. Ён будзе прысвечаны 40-годдзю адносін з Ліёнам. Хочам падняць узровень міжрэгіянальнага супрацоўніцтва на ўзровень кіраўніцтва абласцей", — дадаў пасол.
Прасоўвае беларускае пасольства і нацыянальную культуру — рэгулярна праводзіць тэматычныя мерапрыемствы. "Гэта дае больш станоўчай інфармацыі пра Беларусь — у тым ліку і бізнесу", — сказаў на заканчэнне Латушка.
