МІНСК, 12 ліп — Sputnik. Беларускі паэт і палітык Уладзімір Някляеў адсвяткаваў сваё 70-годдзе чытаннем вершаў у цэнтры Мінска.
У Купалаўскім скверы для віншавання паэта ўвечары ў панядзелак сабралася больш за сотню чалавек. Сярод гасцей былі вядомыя мастакі, пісьменнікі, палітыкі і музыканты, сярод іх Зміцер Вайцюшкевіч і Лявон Вольскі.
Някляеў ля помніка Янку Купалу прачытаў перад прысутнымі ўласныя вершы.
ПРЯМОЙ ЭФИР в #Periscope: Юбилей Владимира Некляева https://t.co/NZQvJaNwiP
— Sputnik Беларусь (@sputnikbelarus) 11 июля 2016 г.
Мінгарвыканкам не санкцыянаваў дадзенае мерапрыемства праз адсутнасць у заяўцы інфармацыі аб фінансаванні і аб забеспячэнні бяспекі гасцей, аднак Някляеў усё адно вырашыў правесці яго.
Супрацоўнікі міліцыі ў чытанні не ўмешваліся.
