МІНСК, 15 ліп — Sputnik. Каля 40% купюр старога ўзору выведзена з абарачэння ў Беларусі за 14 дзён ліпеня пасля дэнамінацыі, паведаміў у эфіры тэлеканала АНТ начальнік галоўнага ўпраўлення наяўнага грашовага звароту Нацыянальнага банка Беларусі Сяргей Гайко.
Дэнамінацыя беларускага рубля адбылася 1 ліпеня. Банкноты узору 2000 года, якія знаходзяцца ў звароце, паступова замяняюцца на банкноты і манеты узору 2009 года ў суадносінах 10 тысяч да аднаго.
"За 14 дзён ліпеня парадку 40-45% намінальнага шэрагу 2000 года выведзена з абарачэння", — сказаў Гайко.
Да дэнамінацыі ў краіне хадзіла 600 мільёнаў купюр старога ўзору, паведаміў ён. Да канца года, паводле інфармацыі Нацбанка, усе іх заменяць.
"Ужо да кастрычніка грашовыя знакі старога ўзору практычна выйдуць з абарачэння", — дадаў Гайко.
Як распавяла каналу гандлёвы інспектар Ірына Гайко, у першую чаргу пры падрыхтоўцы здачы грашовай выручкі ў банк інкасуюцца грашовыя знакі ўзору 2000 года. "Гэта значыць, атрымліваем мы гэтыя грашовыя знакі ад пакупніка, і больш яны да нас не вяртаюцца", — патлумачыла яна.
З крамаў усе грошы "сцякаюцца" у абслугоўваючыя банкі. Там іх сартуюць і адпраўляюць у Нацыянальны банк, дзе і вырашаецца лёс "старых" купюр — частка іх застаецца ў абароце, іншая — ідзе ва ўтыль.
