У Беларусі крызіс — вельмі спрыяльны час для таго, каб задумаць рамонт, упэўнены дызайнер інтэр'ераў Генадзь Кобец.
"Крызіс не паўплываў на беларусаў у плане рамонту. У нас думаюць так: калі пачынаюцца праблемы ў эканоміцы — трэба кудысьці прыстроіць грошы. Таму той, хто даўно планаваў купляць кватэру ці рабіць рамонт, у крызіс актывізуецца, каб не страціць грошы. Напрыклад, у мяне колькасць заказаў з пачатку гэтага года вырасла", — распавёў дызайнер радыё Sputnik Беларусь.
Паводле яго слоў, у Мінску цяпер актуальны індустрыяльны стыль, калі пакідаюць адкрытымі столі і камунікацыі, агаляюць цэглу.
"Уваходзіць у моду і скандынаўскі стыль — на мой погляд, ён нават больш ўласцівы беларускай ментальнасці: белыя сцены, спалучэння пастэльных адценняў, простая геаметрыя ў мэблі і аксэсуарах… Нічога вычварэнскага, усё мінімалістычна і акуратна", — кажа Генадзь Кобец.
Як абраць "свайго" дызайнера інтэр'ера і ў колькі абыйдуцца яго паслугі — слухайце ў нашай праграме.
