МІНСК, 23 ліп — Sputnik. Апошні ў свеце вытворца відэакасет японская кампанія Funai Corporation заявіла пра намер закрыць вытворчасць, паведамляе выданне New York Times.
Завод канчаткова спыніць працу ў канцы ліпеня. Кіраўніцтва кампаніі патлумачыла сваё рашэнне "цяжкасцямі пры пошуку камплектуючых".
Па дадзеных вытворцы, у 2015 годзе было прададзена толькі 750 тысяч відэакасет, некалькі дзесяцігоддзяў таму продажу відэакасет вылічаліся мільёнамі штук.
Касеты, якія сталі рэвалюцыйнымі ў сярэдзіне мінулага стагоддзя, пачалі губляць сваю папулярнасць яшчэ ў 1990-я. Масавае з'яўленне ў Беларусі CD і DVD, а пазней і flash-памяці адбылося ў першай палове двухтысячных гадоў, гэта значыць ужо вырасла цэлае пакаленне маладых людзей, якія не карысталіся ні відэа-, ні аўдыёкасетамі.
У інтэрнэце часта выкладваюць ролікі пра рэакцыю сучасных падлеткаў на аналагавыя спосабы захоўвання інфармацыі.
Таксама папулярныя і інструкцыі аб тым, як аблічбаваць старыя касеты — людзі цікавяцца спосабамі захаваць запісаную на іх інфармацыю.
