МІНСК, 26 ліп — Sputnik. Беларускія жанчыны патрапілі ў рэйтынг самых высакарослых у свеце паводле версіі навуковага часопіса eLife.
Даследчыкі прасачылі рост сярэдніх мужчыны і жанчыны ў 187 краінах свету за апошняе стагоддзе. Самыя высокія мужчыны выявіліся ў Галандыі — іх сярэдні рост склаў 183 сантыметра. Жанчыны ж, вышэйшыя за ўсіх, жывуць у Латвіі — яны ў сярэднім маюць рост у 170 сантыметраў.
Беларускі ў спісе самых высокіх жанчын на 9-м месцы, а больш стагоддзя назад нашы прыгажуні былі ўсяго на 42-м. Акрамя латышак, вышэй беларусак апынуліся галандкі, эстонкі, чэшкі, сербкі, славачкі, датчанкі і літоўкі. Замыкае дзясятку лідэраў Украіна.
У спісе самых высокіх мужчын выхадцы з Бельгіі, Эстоніі, Латвіі, Даніі, Босніі і Герцагавіны, Харватыі, Сербіі, Ісландыі і Чэхіі. Беларусы тут усяго на 22-м месцы, аднак вышэй суседзяў з Расіі і Польшчы.
Зрэшты, беларускія мужчыны таксама падраслі за апошняе стагоддзе — у 1914-м годзе яны былі на 26-м месцы.
