Мінск, 1 жні — Sputnik, Максім Касцян. Усю сваю спартыўную кар'еру лідэр нацыянальнай каманды Рэспублікі Беларусь па парусным спорце Таццяна Драздоўская ідзе да залатога медаля Алімпійскіх гульняў, распавяла Sputnik маці спартсменкі Галіна Аляксандраўна.
У панядзелак беларуская спартсменка выправілася ў Рыа-дэ-Жанейра, дзе 5 жніўня стартуюць летнія Алімпійскія гульні. Праводзілі яхтсменку яе мама Галіна Аляксандраўна і сын.
"Яна закахалася ў гэты від спорту ў дзяцінстве. Было, вядома, усялякае. Мэта ў яе была, яна ішла да гэтай мэты. Усе свае 20 гадоў, што яна аддала паруснаму спорцту, яна марыла стаць алімпійскай чэмпіёнкай", — распавяла ў інтэрв'ю Sputnik Галіна Аляксандраўна.
Суразмоўніца агенцтва дадала, што праводзіць дачку на Гульні ўжо ў пяты раз (Драздоўская брала ўдзел у чатырох Алімпіядах — 2000, 2004, 2008, 2012 гадах). "Пяты раз выпраўляю яе на Алімпіяду, і кожны раз як упершыню. Заўжды вельмі хвалююся, і перажыць гэтыя два тыдні мне будзе вельмі складана", — удакладніла яна.
Са слоў Галіны Аляксандраўны, яна будзе глядзець усе старты з удзелам дачкі. "Гэтыя два тыдні ў мяне будуць без сну, адназначна. Буду займаць сябе нейкай працай, каб пераключыцца", — працягнула маці знакамітай яхтсменкі.
У сілах дачкі яна не сумняваецца. "У спорце трэба шанцаванне. Перажываю праз тое, колькі яна адпрацавала, колькі выдаткавана сіл. Перажываю за тое, каб быў вынік. Ці не змарнавалася яе праца", — сказала Галіна Аляксандраўна.
"Я толькі малюся богу, каб даў сілы і магчымасці паказаць ёй тое, што яна ўмее. Паказаць сваю працу, тое, што яна змагла назапасіць за чатыры гады", — склала яна.
Алімпійскія гульні ў Рыа стартуюць 5 жніўня, першы заезд Драздоўскай адбудзецца 8 жніўня.
