Кіраўнік Рымска-каталіцкай царквы прыбыў у Польшчу ў сераду. У яго праграме знаходжання была ўрачыстая імша ў Чанстахове ў гонар 1050-годдзя хрышчэння Польшчы, наведванне былога нацысцкага канцлагера Асвенцым, дзе зараз знаходзіцца дзяржаўны музей Аўшвіц-Біркенаў, хросны ход разам з моладдзю, імша ў кампусе, дзе жылі ўдзельнікі Сусветнага дня каталіцкай моладзі і іншыя мерапрыемствы.
У спецыяльным відэазвароце з нагоды сваёй першай паездкі ў Польшчу Францыск адзначыў, што яна будзе адбывацца пад знакам Міласэрнасці і ўдзячнага шанавання памяці святога Яна Паўла II. Менавіта польскі папа Караль Вайтыла ў 1986 годзе прапанаваў адзначаць Сусветны дзень каталіцкай моладзі на рэгулярнай аснове. З тых часоў гэтыя масавыя святы ўжо адбываліся ў Буэнас-Айрэсе, Сант'яга-дэ-Кампастэла, Чэнстахове, Дэнверы, Маніле, Парыжы, Рыме, Таронта, Кёльне, Сіднэі, Мадрыдзе. У апошні раз сотні тысяч маладых каталікоў з усяго свету з'ехалася ў ліпені 2013 года ў Рыа-дэ-Жанейра, куды тады здзейсніў сваё першае замежнае падарожжа Папа Францыск.
Апостальская паездка ў Польшчу стала ўжо 15-м замежным ваяжам цяперашняга кіраўніка Рымска-каталіцкай царквы. Яго папярэднік на Апостальскім троне ганаровы папа Бэнэдыкт XVI пабываў у гэтай краіне ўсяго адзін раз, затое святы Ян Павел II дзевяць разоў здзейсніў пілігрымку на родную зямлю.
