МІНСК, 1 жні — Sputnik. Усё больш праглядаў у сеціве набірае відэаролік, выкладзены на Youtube.com карыстальнікам Аляксандрам Плескачовым, дзе цёмнаскурыя хлопцы з нагоды Дня незалежнасці дэмакратычнай рэспублікі Конга спяваюць песню з рэпертуара "Песняроў" на словы Аркадзя Куляшова і музыку Ігара Лучанка "Бывай, Алеся".
Каментары да відэа сведчаць пра ўзрушэнне ад выканання самой песні і праз факт выканання па-беларуску яе грамадзянамі далёкага Конга. Ёсць энтузіясты, якія прапануюць выправіць хлопцаў на Еўрабачанне прадстаўнікамі ад Беларусі.
