Цэнтр рэабілітацыі інвалідаў-калясачнікаў пад Мінскам дапамагае людзям з абмежаванымі магчымасцямі не толькі дамагацца вынікаў у інваспорце, але і спрыяе сацыялізацыі, сказаў у інтэрв'ю радыё Sputnik Беларусь дырэктар Цэнтра, старшыня Беларускага фонду дапамогі спартоўцам-інвалідам, заслужаны трэнер БССР Валерый Каламіец.
"У нашым цэнтры склалася 21 шлюбная пара, а ў дзяўчат-калясочніц нарадзілася 12 дзяцей — абсалютна ўсе моцныя і здаровыя", — сказаў Каламіец.
Паводле слоў чэмпіёнкі Расіі і свету па спартыўных танцах на калясках, прэзідэнта Маскоўскай федэрацыі спартыўных танцаў на інвалідных калясках Ірыны Гардзеева, танцы на інвалідных калясках — "самы прыгожы від спорту, які, на жаль, пакуль не ўваходзіць у асноўную праграму Паралімпійскіх гульняў".
Міжнародны танцавальна-парашутны фестываль адбудзецца 4 і 5 жніўня пад Мінскам. Спартсмены з абмежаванымі магчымасцямі з розных краін не толькі паспаборнічаюць у спартыўных танцах на калясках у рамках 19-га Адкрытага чэмпіянату Рэспублікі Беларусь, але і зробяць скачкі з парашутам у тандэме з інструктарам. Першы скачок з удзелам інвалідаў-калясачнікаў адбыўся ў Беларусі ў 2013 годзе.
