Мінадукацыі: бацькі наўрад ці падтрымаюць нашэнне кедаў у школах

© Sputnik / Рамиль Ситдиков / Перайсці ў медыябанкПрымерка формы
Прымерка формы - Sputnik Беларусь
Падпісацца
Афіцыйна-дзелавы стыль адзення, на думку прадстаўніка міністэрства, даўно стаў нормай для ўсіх устаноў адукацыі, бо дарослыя прыходзяць туды на працу, а дзеці – вучыцца.

МІНСК, 5 жні — Sputnik. Бацькі не будуць выступаць за адмену афіцыйна-дзелавога стылю ў вопратцы, заявіла журналістам у пятніцу галоўны спецыяліст упраўлення агульнай і сярэдняй адукацыі Мінадукацыі Ірына Булаўкіна.

Афіцыйна-дзелавы стыль адзення — абавязковае патрабаванне да беларускіх школьнікаў. Як адзначылі прадстаўнікі Мінадукацыі, норма аб абавязковай "строгасці ў адзенні" прапісана ў статутах многіх школ і абавязковая да выканання.

"Самі навучэнцы, іх бацькі маюць права выбару колеру і формы адзення дзелавога стылю. Цяпер няма ні адной установы адукацыi, куды можна было б хадзіць не ў вопратцы дзелавога стылю", — упэўненая прадстаўнік ведамства.

Спецыяліст міністэрства падкрэсліла, што школы — дзяржаўныя ўстановы, куды дарослыя ходзяць на працу, а дзеці — вучыцца.

"Школьнік павінен выглядаць адпаведна. Тыя ж кеды можна насіць на фізкультуры. А ўвесь дзень нават медыкі не раяць насіць спартыўны абутак. Афіцыйна-дзелавы стыль у адзенні уведзены ў тым ліку для здароўя і выгоды дзяцей", — адзначыла Булаўкіна.

Кожная школа мае права выбраць каляровую гаму і мадэлі абутку для сваіх вучняў — рашэнне аб гэтым прымаюць на нарадах школ. У прыблізна 40 беларускіх школах выкарыстоўваецца ўласная школьная форма, аднолькавая для ўсіх навучэнцаў.

"Часам да нас звяртаюцца бацькі, якія не згодныя з рашэннем школы. Спрабуем знайсці кампраміс. Але, вы разумееце, усе бацькі не будуць выступаць за кеды — яны ў нас усе пісьменныя і клапоцяцца пра здароўе дзяцей", — сказала на заканчэнне спецыяліст.

Стужка навiн
0