Гідрамет папярэджвае: ідуць навальніцы, аранжавы ўзровень небяспекі

© Flickr / mladymeishaНавальніца
Навальніца - Sputnik Беларусь
Падпісацца
Раней сіноптыкі прагназавалі, што на гэтым тыдні ў краіне чакаецца няўстойлівае надвор'е.

МІНСК, 9 жні — Sputnik. Моцныя навальніцы чакаюцца ў другой палове аўторка 9 жніўня па паўночна-заходняй палове рэспублікі, паведамілі Sputnik у Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.

Кроплі на павуцінні - Sputnik Беларусь
Рабаў пра надвор'е на тыдзень: халаднавата і з дажджамі

Раней сіноптыкі прагназавалі, што на гэтым тыдні ў краіне чакаецца няўстойлівае надвор'е: месцамі будзе горача, месцамі тэмпература не паднімецца вышэй +23°С, паўсюдна магчымы кароткачасовыя дажджы.

"У перыяд да 21:00 па паўночна-заходняй палове рэспублікі чакаюцца навальніцы", — сказалі ў Гідраметцэнтры.

Там таксама адзначылі, што ў сувязі з неспрыяльнымі ўмовамі надвор'я абвешчаны аранжавы ўзровень небяспекі.

Аранжавы ўзровень небяспекі аб'яўляецца, калі надвор'е ўяўляе сур'ёзную пагрозу: пры шквалістага вятрах, ліўнях, навальніцах, градзе, спякоце, маразах, завеях і снегападах — з'явах, якія могуць негатыўна паўплываць на сацыяльна-эканамічную дзейнасць і прывесці да значнага матэрыяльнага ўрону, а таксама да чалавечых ахвяраў.

Стужка навiн
0