Алена Васільева, Sputnik
Кожны ў меру актыўны беларус імкнецца далучыцца да Алімпіяды даступнымі спосабамі — пазаўзець за Карстэн або пракаментаваць навіны пра пляжы Рыа. "Беллегпрам" даў магчымасць паўдзельнічаць у гэтай высакароднай справе, адначасова падтрымліваючы беларускага вытворцу — Іван Айплатаў выпусціў альтэрнатыўную лінію параднай формы для алімпійцаў, і зараз сінія пінжакі і белыя кашулі можна купіць у дзяржаўных крамах.
"Сарочкі ўжо разабралі, засталіся пінжакі і спадніцы", — каментуе пакупніцкую актыўнасць супрацоўніца мінскага ЦУМа.
А вось форму, у якой спартоўцы выйшлі на адкрыццё Алімпіяды, у краме не набудзеш — толькі ў шоў-руме Юліі Латушкінай, дызайнера адзення. Латушкіна катэгарычна не згодная аддаваць свае пінжакі і сукенкі ў рукі маркетолагаў ЦУМа.
Пакуль беларускія алімпійцы ішлі ў форме ад Латушкінай па дарожках Рыа, карэспандэнт Sputnik пабывала ў шоў-руме дызайнера і высветліла, што трэба зрабіць дзяржаўным крамам, каб іх зале аздобілася адзеннем ад дызайнера.
Без туфляў — і добра
Дызайнер Юлія Латушкіна стварала дзелавы касцюм, у якім нашы спартсмены прайшліся па стадыёне "Маракана". Зараз яна, як праваўладальнік, можа рэалізоўваць модны алімпійскі лук, які шые на ўласныя сродкі. Тым больш што Аляксандр Лукашэнка, ацаніўшы новую форму беларускіх алімпійцаў, выказаў пажаданне, "каб кожны чалавек, калі ў яго ёсць жаданне, мог набыць яе і тым самым далучыцца да Рыа і спорту ў цэлым". Але пакуль з традыцыйным дзяржаўным гандлем у дызайнера не складваецца стасункаў.
"І яны мне кажуць: пінжак павесім у аддзеле пінжакоў, спадніцы — у аддзеле спадніц", — распавядала Латушкіна пра спробу супрацоўнічаць з дзяржаўнымі крамамі. Меркавалася, што створаную ёю алімпійскую форму зможа купіць кожны беларус, але пакуль ён можа гэта зрабіць толькі ў шоў-руме.
"Вы самі бывалі ў нашых крамах і, напэўна, зразумееце, чаму ў мяне шмат пытанняў да формы продажаў. Як чалавек, які валодае аўтарскім правам, не магу дазволіць, каб форма прадавалася ў такім выглядзе — паспрабуй знайсці гэтую цішотку. Людзі павінны бачыць, як магчыма камбінаваць элементы адзення, а мне прапанавалі развесіць кожны элемент па розных аддзелах", — патлумачыла сваю пазіцыю Латушкіна.
І ўсё ж калісьці, яшчэ падчас вучобы ў інстытуце, Латушкіна марыла, каб яе сукенкі прадаваліся ў дзяржаўных крамах. Пасля паспрабавала рэалізаваць мару, але разумення не знайшла.
"Ад мяне запатрабавалі партыю адзення, сказалі, нам не патрэбныя два памеры, нам трэба пяць памерных шэрагаў. А дзе ўзяць грошы, каб аплаціць тканіну і працу майстроў для такой партыі, а пасля проста павесіць гэта ў ГУМе сярод вешалак? Я не выключаю магчымасці супрацы з дзяржаўнымі крамамі, але пакуль не атрымала ніводнай выгаднай для мяне прапановы. Калі б мне аддалі аддзел і сказалі — зладзь усё на свой густ, я б зрабіла так, каб у ім чарга стаяла. Але пакуль мне больш выгадна запрасіць кліента ў шоў-рум", — распавяла Латушкіна.
Як і абяцалася, форму можна будзе набыць і па-за межамі шоу-рума: плануецца, што яна будзе прадавацца падчас спартыўных мерапрыемстваў. Між тым, Латушкіна гатова падзяліцца з дзяржавай ідэямі, як рэарганізаваць дзяржаўныя крамы — каб дызайнеры іх упадабалі.
"Я чую: "Распродаж у ЦУМе", — і у мяне не ўзнікае жадання туды пайсці. А калі ўсё ж заходжу ў ГУМ і ЦУМ, акунаюся ў 90-я гады, і рэчы там глядзяцца інакш. У нас няма культуры продажаў, няма рэкламы. Узяць, да прыкладу, буйныя нямецкія цэнтры: першы паверх — парфумерна-касметычны, там няма ніякага марожанага. можна ўзяць для прыкладу Кіеў: на Крэшчаціку такі ж будынак ЦУМа. Не трэба быць падобнымі на Берлін, для нас гэта дорага, можна арыентавацца на Кіеў. А ў нас прыходзіш у краму — і ты ў дысбалансе. Хоць бачыш будынак, і табе здаецца — прыгажосць, зараз нешта будзе", — пакрытыкавала Латушкіна беларускія крамы.
"Я не буду аддаваць вопратку ў ГУМ на існуючых умовах: мне вернуць сукенку і скажуць — тут спрабавалі зрэзаць кліпсу, дзірку зрабілі, забірайце сукенку. Плюс велізарная гандлёвая надбаўка", — патлумачыла Латушкіна.
Яна ўдакладніла: калі дзяржава рашаецца на змены ў дзяржаўных крамах, яна павінна запрасіць чалавека, які будзе кіраваць гэтым працэсам і давяраць думцы прафесіяналаў.
"Калі дызайнер інтэр'еру кажа: нам трэба дрэва — нельга вырашыць, што мы дамо замест гэтага ДСП", — дадала яна. Сама Латушкіна распавяла, што адзіны, хто давяраў яе думцы цалкам у пытанні формы, быў прэзідэнт.
Як змагаліся за балеткі
Гісторыя вайны Латушкінай за балеткі сваімі маштабамі гатовая перасягнуць гісторыю Пунічных войнаў. Да апошняга дызайнер не была ўпэўненая, што дэлегацыя не перадумае і не абуе пад касцюм класічныя туфлі.
"Нам патрэбны класічны касцюм, як пад яго можна надзець нешта апроч ?" — абураліся заказчыкі і апелявалі да таго, што ў форме ад дызайнера пойдзе сам міністр, а які міністр без класічных туфляў.
"Я прыходзіла і мне казалі — гэтак дэлегацыя не апранецца, трэба абуць туфлі. Я кажу — чакайце, навошта я працавала? Вы адным штрыхом усё сапсуеце! Нават прэзідэнт сказаў — вы мастак, я ў модзе не разбіраюся, дзякуй вам, што ўзяліся", — згадала Латушкіна.
Пераканаць, што замест кашулі пад касцюм можна апрануць майку, каштавала немалых намаганняў. І зноў дызайнер перажывала — ці не апрануць прадстаўнікі афіцыйнай дэлегацыі кашулі, чым пераўтвораць новы камплект у класічную форму?
Алімпійскую форму ўжо замаўляюць — на вачах карэспандэнта Sputnik на падлозе шоў-рума вырасла кіпа маек з арнаментам, у якіх выйшлі на адкрыцці алімпіяды нашы спартсмены. Супрацоўніцы шоу-рума пералічваюць іх, апрануўшыся ў такія ж сукенкі — у камплект формы для дэлегацыі сукенкі не патрапілі, але многія спартсменкі ахвотна выкупілі іх у Латушкінай, каб шпацыраваць па Алімпійскай вёсцы.
