МІНСК, 10 жні — Sputnik. Дождж і вецер перашкодзіў заняць больш высокае месца ў гонцы з раздзельным стартам на Алімпіядзе, заявіла пасля заезду беларуская спартсменка Алена Амялюсік.
У сераду Амялюсік стала 11-й на трасе ў Рыа-дэ-Жанейра, яна прыйшла да фінішу з вынікам 46 хвілін 5,73 секунды.
"Надвор'е, асабліва спачатку гонкі, уносіла свае карэктывы: моцны дождж, вецер… Давялося трохі зменшыць хуткасць, каб не ўпасці, мяне матляла па трасе прыстойна", — цытуе БелТА словы велагоншчыцы.
Амялюсік таксама распавяла, што была гатовая да заезду на мокрай трасе: выкарыстоўваліся покрыўкі для дажджу, ціск у якіх давялося паменшыць, а таксама спецыяльная змазка для ровара.
Беларуская велагоншчыца ў групавой гонцы ў Рыа заняла 13-е месца.
