Шкілет новага віду дыназаўраў знайшлі ў Сібіры

© Flickr / Ryan SommaШкілет алазаўра ў музеі
Шкілет алазаўра ў музеі - Sputnik Беларусь
Падпісацца
Зараз палеантолагі заканчваюць працу над апісаннем знаходкі, новаму віду будзе дадзена лацінская назва.

МІНСК, 11 жні — Sputnik. Навукоўцы Санкт-Пецярбурга і Томска даследавалі парэшткі дыназаўра, выяўленага ў Кемераўскай вобласці: высветлілася, што гэта косці невядомага віду дыназаўраў, паведаміла прэс-служба Томскага дзяржуніверсітэта.

Паводле дадзеных ВНУ, унікальныя знаходкі зрабілі палеантолагі ТГУ ў перыяд з 1995 да 2011 гады ў раёне сяла Шастакова на правым беразе ракі Кія (Кемераўская вобласць). Навукоўцы выказалі здагадку, што парэшткі належаць буйным траваедным дыназаўрам. Паколькі фрагменты былі заключаны ў груды пяшчаніку, некалькі гадоў сышло на іх выманне з пароды.

"Даследчыкі ТГУ, Санкт-Пецярбургскага дзяржуніверсітэта (СПБГУ) і Заалагічнага інстытута РАН выявілі новы таксон у сямействе цітаназаўрыд — чатырохногіх расліннаедных дыназаўраў. У ходзе параўнальнага аналізу было ўстаноўлена, што цітаназаўр, знойдзены палеантолагамі ТГУ, мае асаблівасці будовы, якія адрозніваюць яго ад усіх іншых прадстаўнікоў гэтай групы", — гаворыцца ў паведамленні.

Навукоўцы ўсталявалі, што траваедны яшчар, які насяляў тэрыторыі сучаснай Заходняй Сібіры ў перыяд ранняга мелу (каля 100 мільёнаў гадоў таму), належыць да падатраду заўрапод, але з'яўляецца прадстаўніком новага віду. Яго даўжыня складала каля 20 метраў, вага — каля 50 тон. Навукоўцы ТГУ завяршаюць працу над апісаннем сваёй знаходкі, новаму віду будзе дадзена лацінская назва.

"Новы дыназаўр адрозніваецца ад субратаў асаблівасцямі будовы — крыжавыя рэбры ў яго размешчаны ў форме зоркі і сыходзяцца да цэнтра, адсутнічае сучляненне пазванка на невральнай дузе. Старажытных яшчараў з такой будовай шкілета пакуль не знаходзілі ні ў адной краіне свету", — паведаміла прэс-служба.

У цяперашні час палеантолагі збіраюць наяўныя фрагменты дыназаўра ў адзінае цэлае. Ужо злучаныя самыя буйныя косткі, якія калісьці былі крыжавінай цітаназаўра, з кавалачкаў змантаваная частка лапаткі дыназаўра і шыйныя пазванкі. Навукоўцы лічаць, што унікальны экспанат павінна ўбачыць як мага больш людзей, таму прапанавалі ўсталяваць самую захаваную частку дыназаўра на другім паверсе галоўнага корпуса ТГУ.

Стужка навiн
0