МІНСК, 11 жні — Sputnik. Міністэрства энергетыкі Беларусі накіравала расійскаму боку апавяшчэнне пра рашэнне замяніць корпус рэактара №1 БелАЭС, паведамілі Sputnik у прэс-службе ведамства.
Міністр энергетыкі Беларусі Уладзімір Патупчык, знаходзячыся з візітам у Цюмені, заявіў у чацвер журналістам аб прынятым беларускім бокам рашэнні замяніць корпус рэактара БелАЭС. Фармалізаванае рашэнне пра гэта Дзяржатамнагляд атрымаў толькі ўдзень у чацвер, а Расатам па стане на раніцу чацвярга не атрымліваў ніякіх паведамленняў ад Мінска.
"Міжведамаснай камісіяй па ўзвядзенню атамнай электрастанцыі ў Беларусі прынята рашэнне аб замене корпуса рэактара на Беларускай АЭС. Адпаведнае апавяшчэнне Міністэрства энергетыкі накіравала расійскаму боку", — паведамілі Sputnik у міністэрстве энергетыкі.
Інцыдэнт з падзеннем корпуса рэактара адбыўся на будоўлі БелАЭС у ліпені, аднак стала вядома пра гэта праз некалькі тыдняў. Пазней прэзідэнт Беларусі Аляксандр Лукашэнка абяцаў, што ў выпадку выяўлення "любой драпіны" ад корпуса рэспубліка адмовіцца.
