МІНСК, 15 жні — Sputnik. Грамадзяне Расіі, якія пастаянна пражываюць на тэрыторыі Беларусі, у дзень выбараў у Дзярждуму будуць мець магчымасць прагаласаваць на сямі участках, паведамілі ў пасольстве РФ у Мінску.
У адпаведнасці з Федэральным законам РФ "Аб выбарах дэпутатаў Дзяржаўнай думы Федэральнага сходу РФ" і ўказам прэзідэнта РФ галасаванне па выбарах дэпутатаў Дзяржаўнай Думы будзе праводзіцца 18 верасня 2016 года з 08:00 да 20:00.
"На тэрыторыі Беларусі расіянам можна будзе прагаласаваць на сямі участках, якія будуць размешчаны ў Мінску, усіх абласных гарадах і Бабруйску", — паведамілі Sputnik у панядзелак у пасольстве.
Са слоў суразмоўцаў агенцтва, у Мінску выбарчы ўчастак будзе арганізаваны ў пасольстве РФ (вул. Нававіленская, в. 1А), у Брэсце — у генеральным консульстве РФ (вул. Пушкінская, д. 10), у Гродне — у Гродзенскай гарадской гімназіі (вул. Парыжскай Камуны, д. 3). У Бабруйску можна будзе прагаласаваць па вуліцы Сацыялістычнай, д. 90 у Бабруйскім філіяле Беларускага дзяржаўнага эканамічнага універсітэта, у Віцебску — у Цэнтры культуры "Віцебск" (вул. Маякоўскага, д. 1), у Гомелі — па вуліцы Ланге, д. 17 у гомельскім абласным грамадска-культурным цэнтры, у Магілёве — у ліцэі Беларуска-расійскага ўніверсітэта (вул. Ленінская, д. 61).
У галасаванні будуць мець магчымасць прыняць удзел выбаршчыкі, якія прад'явілі пашпарт або дакумент, які замяняе пашпарт грамадзяніна Расійскай Федэрацыі, нагадалі ў амбасадзе.
Там таксама далі тэлефоны для даведак: у Мінску з 09:00 да 17:00 — (8-10-375-17) 233-15-68, з 14:00 да 17:00 — (8-10-375-17) 222-49-85, у Брэсце з 9:00 да 17:00 — (8-0162) 53-78-42.
