МІНСК, 16 жні — Sputnik. 13 жніўня 1956 года пайшоў з жыцця народны паэт Беларусі Якуб Колас, а 16 жніўня 1956 года згодна з пастановай ЦК КПБ і Савета Міністраў БССР у Мінску быў заснаваны Дзяржаўны літаратурна-мемарыяльны музей Якуба Коласа.
Музей сустрэў першых наведвальнікаў 4 снежня 1959 года — экспазіцыя, прысвечаная жыццю і творчасці пісьменніка, была створана ў доме, дзе на працягу 12 гадоў (з 1944 па 1956) разам з сям'ёй жыў Якуб Колас — не толькі майстр мастацкага слова, але навуковец, вядомы грамадскі дзеяч.
На сёння музей — навукова-даследчая і культурна-асветніцкая ўстанова літаратурна-мемарыяльнага профілю і асноўны захавальнік спадчыны Якуба Коласа.
Музейная экспазіцыя складаецца з літаратурнай і мемарыяльнай частак. Сярод дзесяці экспазіцыйных залаў два, у якіх захаваны прыжыццёвы інтэр'ер: гэта рабочы кабінет і спальня Якуба Коласа.
У фондах музея захоўваюцца асабісты архіў класіка, рукапісы твораў паэта, яго перапіска, дакументы, рукапісы ранніх твораў.
Збіральнікам матэрыялаў для асноўнай экспазіцыі на працягу 20 гадоў быў сын Якуба Коласа, заслужаны дзеяч культуры Беларусі Данііл Міцкевіч. Часткай агульнай экспазіцыі Дзяржаўнага літаратурна-мемарыяльнага музея Якуба Коласа з'яўляецца сядзібны ландшафт, дзе захаваліся дрэвы, пасаджаныя самім паэтам.
Музей мае філіял і заказнік у Стаўбцоўскім раёне на тэрыторыі Коласаўскага заказніка.
Экспазіцыі музея аднаўляюць цэлую эпоху ў літаратурным жыцці краіны, а актыўная праца коласаўцаў дапамагае фарміраваць беларускую літаратурную і культурную прастору сучаснасці.
