Бронзавы прызёр Алімпіяды Аляксандра Герасіменя не была зорным дзіцем, распавялі яе бацькі ў чаканні дачкі. Герасіменю сустракалі ў віп-зале аэрапорта. Сярод тых, хто прыйшоў, былі юныя прыхільнікі, вучні школы "Старт", у якой пачынала плаваць сама дзяўчына. Спартсменка ахвотна раздавала аўтографы — не зважаючы на тое, што пасля спаборніцтваў яшчэ не паспела толкам адпачыць. Сваякі і сябры сустракалі яе з плакатамі. На адным з іх — фота юнай Сашы, выразанае з газеты 1999 года. На здымку — 14-гадовая Герасіменя, а побач подпіс: "Ці памятаеш, як пачыналася?"
У мінулую суботу Герасіменя стала бронзавым прызёрам Гульняў-2016 у Рыа на дыстанцыі 50 метраў вольным стылем. На фінішы 30-гадовая беларуска паказала час 24,11 секунды, што стала новым нацыянальным рэкордам. Чэмпіёнкай у гэтай дысцыпліне стала дацкая плыўчыха Перніла Блюм, праплыўшы дыстанцыю за 24,07 секунды, срэбра заваявала амерыканка Сымона Мануэль — 24,09 секунды.
