МІНСК, 18 жні — Sputnik. Больш за 200 супрацоўнікаў адной з турыстычных кампаній у кітайскай правінцыі Шаньдун не пракаментавалі пост свайго генеральнага мэнэджэра ў сацсетках, за што былі аштрафаваныя кіраўніцтвам, піша ў чацвер газета "Бэйцзын цыннянь бао".
Паводле дадзеных газеты, супрацоўнікі туркампаніі ў горадзе Цзынань былі абавязаныя кожную раніцу па чарзе зачытваць праз гучную сувязь паведамлення свайго генеральнага мэнэджэра ў сацыяльнай сетцы Weibo, а таксама пакідаць каментары да яго пастоў. Аднак некаторыя супраўнікі не каментавалі паведамлення генеральнага мэнэджара, у выніку больш за 200 чалавек 14 жніўня былі аштрафаваныя на 6,5 долара кожны. У асноўным паведамленні генеральнага мэнэджара ўтрымлівалі ў сабе матывіровачныя цытаты або інфармацыю аб дзейнасці кампаніі.
Як паведаміў газеце менеджэр аддзела маркетынгу кампаніі, мэтай зачытвання пастоў кіраўніка было паляпшэнне маралі ў кампаніі, асабліва сярод маладых супрацоўнікаў. Адзін з супрацаўнікоў распавёў газеце, што за месяц ужо быў аштрафаваны на 150 юаняў (каля 20 долараў ЗША) за тое, што не каментаваў паведамленні кіраўніцтва.
Некаторыя супрацоўнікі кампаніі паведамілі газеце, што лічаць дзеянні кіраўніцтва парушаючымі працоўны закон, аднак ніхто, па іх словах, не выказваў сваю незадаволенасць начальству.
