МІНСК, 23 жні — Sputnik. Выходныя зніжак зладзяць 27 і 28 жніўня сталічныя ўнівермагі, паведамілі ў Галоўным упраўленні спажывецкага рынку Мінгарвыканкама.
Зніжкі будуць прадастаўлены на ўсе нехарчовыя тавары. Памер зніжак складзе ад 10 да 20% у розных прадпрыемствах гандлю.
Максімальную зніжку можна будзе атрымаць ва ўнівермагу "Беларусь", гандлёвых дамах "На Нямізе" і "Дзюймовачка". На 15% абяцаюць знізіць кошт на свае тавары ў фірмовых крамах "Світанка", на 10% — у "Дзіцячым свеце" на Лагойскім тракце. У ЦУМе і ГУМе татальныя распродажы пройдуць адным днём, у суботу зніжка на ўсе віды нехарчовых тавараў складзе ў гэтых універмагах 17%.
У нядзелю ў ЦУМе са зніжкай можна будзе набыць толькі асобныя тавары, пры гэтым дысконт на іх абяцаюць больш значны — да 50%.
Зніжкі 15% у суботу будуць устаноўлены таксама ва ўнівермагу "Кірмаш", а таксама ў фірмовых магазінах "Інтэрпартнёр", "Лянок" і "Дамалюкс".
Да выходных зніжак далучыцца і гандлёвы цэнтр "Сталіца".
"Крамы ў гандлёвым цэнтры прапануюць зніжкі ад 10% да 70%", — удакладнілі ў ГУСР Мінгарвыканкама.
Пакінуць аўтамабіль у "Сталіцы" ў гэтыя выходныя з нагоды распродажаў можна будзе танней. Кошт за першую гадзіну паркоўкі складзе 1 рубель, больш за адну гадзіну кожную наступную гадзіну — 20 капеек за гадзіну, падкрэслілі ў ГУСР.
