МІНСК, 23 жні — Sputnik. Беларуская барацьбітаўская супольнасць павіншавала былога старшыню Беларускай федэрацыі барацьбы Юрыя Чыжа з медалямі, заваяванымі на Алімпійскіх гульнях у Рыа-дэ-Жанейра.
На мінулых Гульнях-2016 беларусы ўзялі дзевяць медалёў, тры з якіх у барацьбе: срэбра "вольніцы" Марыі Мамошук, бронза Джавіда Гамзатава (грэка-рымская барацьба) і бронза Ібрагіма Саідава (вольная барацьба).
"Спартсмены, трэнеры, уся барацьбітаўская супольнасць выказваюць вялікую ўдзячнасць і віншуюць з заваяваннем беларускімі змагарамі медалёў Алімпійскіх гульняў Чыжа Юрыя Аляксандравіча", — гаворыцца ў паведамленні, размешчаным на сайце БФБ.
Спартсмены выказалі падзяку Чыжу за шматгадовую падтрымку і дапамогу беларускай барацьбе.
"Той вектар намаганняў, які вы заклалі падчас вашага кіраўніцтва федэрацыяй, даў свой плён. Нашы змагары годна прадставілі Беларусь на галоўным старце чатырохгоддзя", — гаворыцца ў паведамленні.
"Жадаем здароўя, цярпення і мужнасці ў цяжкія хвіліны", — заключылі ў БФБ.
Чыж пазбавіўся пасады кіраўніка БФБ напрыканцы ліпеня. Яго месца заняў намеснік міністра спорту і турызму Аляксандр Дубкоўскі.
Чыж быў затрыманы 11 сакавіка супрацоўнікамі КДБ Беларусі. Разам з ім таксама затрымалі топ-менеджмента кампаніі ААТ "Трайпл", якая належыць Чыжу. Паводле інфармацыі КДБ, алігарх выводзіў грошы з Беларусі праз фіктыўную камерцыйную структуру, створаную ў Расійскай Федэрацыі.
