МІНСК, 24 жні — Sputnik. Сухое і цёплае надвор'е ўсталюецца да канца тыдня па ўсёй Беларусі, дажджы ў краіне спыняцца з сыходам балтыйскага цыклону, паведаміў Sputnik у сераду начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
Невялікае пахаладанне прыйшло ў рэспубліку напачатку гэтага тыдня, аднак сіноптыкі прагназавалі, што надвор'е пачне мяняцца ў лепшы бок ужо ў сераду 24 жніўня.
"Да канца тыдня будзе суха і цёпла. Атмасферны фронт, які прынёс у краіну дажджліва-халаднаватае надвор'е з Балтыйскага мора, пакідае нас", — сказаў Рабаў.
Ён таксама ўдакладніў, што ў бліжэйшыя дні надвор'е па рэспубліцы будзе вызначаць антыцыклон Gerd — раніцай будзе свежа, а днём сонечна і цёпла. Так, у чацвер тэмпература ўначы складзе +8…14°С, днём +20…26°С.
У пятніцу ўжо будзе цяплей — днём да +29°С, а на выходных вернецца спякота — месцамі па поўдні паветра прагрэецца да +30…32°С.
