МІНСК, 26 жні — Sputnik. На амерыканскім аўкцыёне, які праводзіцца Stack's Bowers Galleries, выстаўлены поўны набор банкнот-узораў 1993 года.
Вядома, што яны былі распрацаваны ў 1993 годзе і надрукаваны ў Германіі. Але з-за замены дзяржаўнай сімволікі або па іншых невядомых прычынах так і не былі ўведзеныя ў абарот. Стартавы кошт лота з 6 купюр — 6 тысяч долараў.
Ахвочых зрабіць стартавую стаўку не знайшлося, але дзякуючы аўкцыёну шырокай грамадскасці сталі даступны якасныя выявы ўсіх 6 наміналаў легендарнага знішчанага выпуску беларускіх банкнот, паведамляе сайт Беларуская баністыка.
На банкнотах выявы Камянецкай вежы, полацкай Спаса-Еўфрасiньеўскай царквы, Янкі Купалы і Якуба Коласа, Максіма Багдановіча і Францыска Скарыны.
