МІНСК, 27 жні — Sputnik. Міжнародныя эксперты адзначаюць удалае правядзенне рэформы беларускага натарыята і заяўляюць аб хуткім уступленні Беларускай натарыяльнай палаты ў Міжнародны саюз натарыята.
Адбыўся візіт у Мінск прадстаўнікоў камісіі па міжнароднаму натарыяльнаму супрацоўніцтву Міжнароднага саюза натарыяту, падчас якога была праведзена інспекцыя стану беларускага натарыяту.
"Ужо цягам года натарыят Беларусі можа разлічваць на ўступленне ў сябры Міжнароднага саюза натарыяту", — заявіў у пятніцу журналістам у Мінску прэзідэнт камісіі па міжнароднаму натарыяльнаму супрацоўніцтву Міжнароднага саюза натарыяту (МСН) Мішэль Мерлоцці.
Паводле яго слоў, уступленне ў саюз — працэс даволі працяглы, які патрабуе ўзгаднення з усімі кіруючымі органамі МСН.
"Падрыхтаваная камісіяй справаздача аб выніках праведзенай у Беларусі інспекцыі будзе разгледжана агульным саветам МСН, у склад якога ўваходзяць па два прадстаўнікі ад кожнай краіны-ўдзельніцы саюза, (усяго 162 чалавекі — Sputnik), і будзе вынесены на агульнае галасаванне на Генеральнай асамблеі МСН, якая праходзіць раз у год", — паведаміў Мерлоцці.
У сваю чаргу сектаральны адказны Камісіі па міжнароднаму супрацоўніцтву натарыус Эстоніі Ційт Сэпі заявіў, што рэформа натарыята ў Беларусі, у параўнанні з іншымі краінамі, прайшла з улікам балансу інтарэсаў, дзе галоўную ролю адыгралі інтарэсы грамадзяніна, пасля — дзяржавы, і толькі потым — інтарэсы натарыуса.
Старшыня Беларускай натарыяльнай палаты Наталля Барысенка паведаміла, што супрацоўніцтва і ўзаемадзеянне па абмене досведам натарыяльнай практыкі, якое наладжана і існуе ў міжнародным саюзе практычна з дня яго заснавання, можа толькі станоўча адбіцца на прафесіяналізме беларускіх натарыусаў.
Як паведамілі ў БНП, напачатку чэрвеня 2016 года палата падала заяўку на ўступленне ў Міжнародны саюз натарыята. Сяброўства ў саюзе дазволіць прадставіць натарыят Беларусі на сусветнай арэне, павысіць імідж не толькі натарыусаў, але і нашай краіны.
