Яшчэ два беларускія перапрацоўшчыкі малака патрапілі пад санкцыі ў РФ

CC0 / Pexels / Шклянка малака. Архіўнае фота.
Шклянка малака. Архіўнае фота. - Sputnik Беларусь
Расійскае ведамства таксама прыстрашыла увядзеннем забароны Пастаўскаму малочнаму заводу і прадпрыемству "Савушкін прадукт".

МІНСК, 30 жні —Sputnik. Рассельгаснагляд увёў часовыя абмежаванні на пастаўкі ў Расею прадукцыі двух малаказаводаў — Лепельскага малочна-кансервавага камбіната і Бярозаўскага сыраробнага камбіната, паведаміла расійскае ведамства ў аўторак.

Свінакомплекс - Sputnik Беларусь
Рассельгаснагляд правярае беларускія свінагадоўчыя прадпрыемствы

"Падчас правядзення ветэрынарнага кантролю прадукцыі, вырабленай прадпрыемствам ААТ "Лепельскі малочна-кансервавы камбінат" выяўлена, што пратаколы даследаванняў, на падставе якіх прынята дэкларацыя адпаведнасці, якая суправаджала гэтую прадукцыю, аформленыя да адклікання старой дэкларацыі", — гаворыцца ў паведамленні Рассельгаснагляду. Паводле інфармацыі ведамства, такое ж парушэнне зафіксавана пры паступленнi на тэрыторыю Расіі прадукцыі ААТ "Бярозаўскі сыраробны камбінат". У сувязі з гэтым на тавары гэтых прадпрыемстваў з 31 жніўня бягучага года ўведзена часовае абмежаванне на пастаўкі ў РФ. Па дадзеных рэгулятара, чарговыя парушэнні былі таксама адзначаны ў Пастаўскага малочнага завода (у машыне з "малачком" не было прыбора для вымярэння і кантролю тэмпературы) і ААТ "Савушкін прадукт" (фальсіфікаваная малочная прадукцыя).

У Рассельгаснаглядзе папярэджваюць, што ў выпадку працягу выяўлення парушэнняў будзе разгледжана пытанне аб абмежаванні паставак у РФ прадукцыі і гэтых прадпрыемстваў.

Стужка навiн
0
Спачатку новыяСпачатку старыя
loader
У эфіры
Заголовок открываемого материала