МІНСК, 31 жні — Sputnik. Складаныя ўмовы надвор'я ў Маскве не паўплывалі на авіястасункі з беларускай сталіцай, усе рэйсы выконваюцца па раскладзе, паведамілі ў Нацыянальным аэрапорце Мінск.
Надвор'е ў Маскве сапсавалася ў аўторак увечары. Рэгіён накрыў фронт, які прынёс з сабой моцныя дажджы, навальніцу і град. Парывы ветру месцамі дасягалі 20 метраў у секунду. Праз непагадзь апынулася падтопленай праезджая частка ў некаторых раёнах Масквы, а таксама паваленыя дрэвы.
У сувязі з умовамі надвор'я больш за 30 рэйсаў адменена і яшчэ амаль 20 затрыманыя ў маскоўскіх аэрапортах.
"Пагодныя ўмовы ў Маскве на працы Нацыянальнага аэрапорта Мінск пакуль не паўплывалі, аэрапорт працуе ў штатным рэжыме, прыём і адпраўка бартоў ажыццяўляецца па раскладзе", — паведамілі Sputnik ў сераду ў аэрапорце.
Там таксама адзначылі, што пакуль няма інфармацыі аб тым, што ў Маскве затрыманыя рэйсы на Мінск.
