МІНСК, 31 жні — Sputnik. Міністр унутраных спраў Польшчы Марыюш Блашчак, каментуючы інцыдэнт з бежанцамі з Чачні на беларуска-польскай мяжы, заявіў, што гэта спроба стварыць новы маршрут у Еўропу праз Беларусь.
Раней Sputnik паведамляў, што больш за сотню бежанцаў з Чачэнскай рэспублікі, якія захраснулі на беларуска-польскай мяжы, разбілі лагер каля пункта пропуску "Брэст", у якім прабылі больш за суткі, аднак затым раз'ехаліся па месцах свайго знаходжання.
"Па маёй ацэнцы, гэта спроба стварэння новага шляху эміграцыі, наплыву мусульман у Еўропу", — цытуе словы Блашчака польскі тэлеканал TVN24.
Кіраўнік МУС краіны адзначыў, што Польшча дапамагае тым, хто збег ад вайны, у прыватнасці і фінансава, аднак з іншага боку задача ведамства —забеспячэнне бяспекі знешніх межаў Еўрапейскага саюза. Акрамя таго ён нагадаў, што падчас вайны ў Чачні Польшча прымала чачэнскіх уцекачоў.
"Пакуль я з'яўляюся міністрам унутраных спраў, мы не дапусцім з'яўлення ў Польшчы тэрарыстычнай пагрозы", — дадаў міністр.
У сваю чаргу прэс-сакратар аддзялення памежнай аховы ў Тэрэспалі Дарыюш Сеніцкі адзначыў, што з пачатку года толькі Тэрэспальскія памежнікі прынялі парадку шасці тысяч заяў ад асоб, якiя хадайнiчаюць аб статусе бежанца. Асобы, якія не адпавядалі ўмовам для ўезду, адпраўленыя назад у Беларусь.
