МІНСК, 1 вер — Sputnik. Пасажыр самалёта авіякампаніі Emirates, які пацалаваў сцюардэсу падчас сэлфі, па рашэнні суда Дубая правядзе тры месяцы ў турме, паведаміла ў сераду эмірацкае выданне The National.
Крымінальны суд Дубая вынес гэты прысуд у дачыненні да 42-гадовага грамадзяніна Танзаніі, прызнаўшы яго вінаватым у сэксуальным дамаганні. У судзе абвінавачваны прызнаў, што пацалаваў сцюардэсу, але адмаўляў сваю віну па прад'яўленым яму артыкуле.
Інцыдэнт адбыўся 22 красавіка, калі 42-гадовы пасажыр авіякампаніі Emirates папрасіў сцюардэсу сфатаграфавацца з ім і пацалаваў яе. Дваццаціпяцігадовая сцюардэса з ЗША паведаміла пра гэта паліцыі, як толькі самалёт, які ляцеў з горада Дар-эс-Салам, прызямліўся ў Дубаі.
Пасля адбыцця пакарання мужчына будзе дэпартаваны.
