Рабаў: у Мінску на Дзень горада будзе добрае надвор'е

© Photo : Вячеслав МазайЗалатая восень
Залатая восень - Sputnik Беларусь
Падпісацца
Верасень сёлета чакаецца крыху цяплейшым, чым звычайна, бабіна лета ў Беларусі пачнецца ў сярэдзіне наступнага тыдня.

МІНСК, 2 вер — Sputnik. Сіноптыкі абяцаюць на Дзень горада ў Мінску цёплае і камфортнае надвор'е, паведамілі ў Гідраметцэнтры. "У Мінску 3 верасня чакаецца пераменная воблачнасць, будзе цёпла і камфортна, без істотных ападкаў. Тэмпература ўначы +11…13°С, днём +20…22°С", — паведаміў Sputnik у пятніцу начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыёактыўнага забруджвання і маніторынгу навакольнага асяроддзя Дзмітрый Рабаў.

Дрэвы ўвосень - Sputnik Беларусь
Рабаў паабяцаў, што бабіна лета ў Беларусі будзе

"4-5 верасня надвор'е будуць фармаваць атмасферныя франты, якія перамяшчаюцца з Заходняй Еўропы", — сказаў ён. "У нядзелю ўначы па поўначы, днём на большай частцы тэрыторыі кароткачасовыя дажджы. У асобных раёнах навальніцы. Тэмпература паветра ўначы +9…15°С, днём +17…24°С, па поўдні +25…27°С", — паведаміў сіноптык.

Паводле яго слоў, у панядзелак ноччу месцамі, днём на большай частцы тэрыторыі кароткачасовыя дажджы. У асобных раёнах навальніцы, ноччу па Віцебскай вобласці месцамі моцныя дажджы. Тэмпература паветра ўначы +10…17°С, днём +17…24°С, па паўднёвым усходзе +25…29°С.

"Верасень сёлета чакаецца крыху цяплейшы, чым звычайна: сярэдняя месячная тэмпература паветра ў верасні 2016 года чакаецца на 1°С вышэй за сярэднія шматгадовыя значэнні (кліматычная норма +11…13°С)", — сказаў Рабаў.

Месячная колькасць ападкаў у верасні 2016 года плануецца менш за норму, у асобных раёнах — у межах кліматычнай нормы (кліматычная норма 50 — 71 мм).

Стужка навiн
0