МІНСК, 7 вер — Sputnik. Старшыня Цэнтрвыбаркама Беларусі Лідзія Ярмошына заклікала не блытаць паняцце "завышанай яўкі" з высокай актыўнасцю выбаршчыкаў, а таксама заявіла, што студэнтаў ніхто не прымушае галасаваць.
"Ніхто студэнтаў галасаваць не прымушае, а лішні выходны дзень — гэта не прымус, а, скажам так, "подкуп", — заявіла журналістам Ярмошына ў сераду на выбарчым участку, дзе аддала свой голас.
Паводле яе слоў, адміністрацыя ВНУ мае права вырашаць пытанне аб тым, каб даць студэнтам дадатковы выхадны дзень дзеля таго, каб яны ўзялі ўдзел у галасаванні.
Па словах старшыні Цэнтрвыбаркама, не варта блытаць паняцці высокай выбарчай актыўнасці і завышанай яўкі.
"Завышаны яўка — гэта калі дадзеныя аб колькасці выбаршчыкаў паказваюць больш, чым іх прыйшло на выбарчы ўчастак. Вы ж кажаце проста аб вялікай актыўнасьці выбарцаў. Гэта зусім іншае. Вы не прыводзіце фактаў таго, што галасаванне было не свабодным. А тое, што студэнтам паабяцалі выходныя — што ж, гэта права адміністрацыі", — сказала Ярмошына, адказваючы на пытанне СМІ аб выніках "незалежнага назірання", якія сведчаць аб завышанай яўцы на некаторых участках, дзе галасавалі студэнты. Нібыта студэнтам паабяцалі за датэрміновае галасаванне выходныя або месца ў інтэрнаце.
